Hri kai 72 hmuh belh leh

Niminpiah khan Mizoram-ah COVID-19 hri kai mi 72 hmuh belh leh niin nimin khan hri kai mi 51 te anmahni enkawlna hmun atanga chhuahtir an ni thung.

Niminpiah khan Mizoram-ah Sample 564 enfiah niin heng atang hian COVID-19 hri kai mi 72 te hi hmuh an ni a, Sample enfiah atanga chhutin za zela 12.77 te chuan hri an kai a, heng hri kai hmuh te zinga 71 te hi Rapid Antigen Test hmanga Sample enfiah 560 atanga hmuh te niin TrueNat Laboratory-ah Sample enfiah pahnih atangin hri kai pakhat hmuh a ni a, ZMC-a RT-PCR Laboratory-ah Sample pahnih enfiah ni bawkin hri kai hmuh an awm lo thung.

Nimin khan Mizoram District 9 atangin COVID-19 hri kai mi 51 te chu anmahni enkawlna hmun atanga chhuahtir niin heti hian nimin tlai thlenga Mizoram-a CO-VID-19 hri kai hmuh-chhuah chu 2,38,123 niin an zinga 2,37,196 te chu enkawl dam an ni tawh a, hri kai zinga za zela 99.61 te enkawl dam ni tawhin hri kai enkawllai 205 an la awm a, hri kai te zingah mi 722 an boral tawh bawk a ni.