Hmeichhe Football khelh chhunzawm zel a ni
Serchhip Sports Stadium-a he Championship khelh mekah hian nimin-a inkhawl hmasa ber ah Group B atangin Thenzawl Zone chuan si hnih faiin Chhingchhip Mualpui G&SA chu an hneh a, Thenzawl Zone tan hian Uniki leh Gosie Lalhlimpuii te chuan goal khat ve ve an khung a ni. Nimin a Group B inkhel dang ah Hmar Veng FC chuan P&E FC chu si khat faiin an hneh bawk a, he inkhel a goal awmchhun hi Deborah Lalenpuii khung a, heti hian Thenzawl Zone leh Hmar Veng FC te hian Semi Final an lut a ni.
Nimin-a inkhel hnuhnung berah Group A atangin Chanmari FC leh Dinthar FC te chu goal khat ve ve inpe in an inhnehtawk a, Chanmari FC tan Vanlalthanpuii chuan goal khungin Dinthar FC tan PC. Malsawmzeli chuan an si phurh a sut a ni.
Vawiin hian Group match khelh zawh tura ruahman a ni a, dar 1:20-ah Group B ten khelin P&E FC leh Chhingchhip Mualpui G&SA an inhmachhawn dawn a, anni hi Semi Final thleng zo lo ve ve niin dar 2:30-ah Hmar Veng FC leh Thenzawl Zone an inhmachhawn dawn a, a chak zawk zawk Group Winner an ni ang. Inkhel hnuhnung ber dar 3:40-ah Group A atangin Dinthar FC leh Vengchung FC an inhmachhawn dawn a, Vengchung FC hi Semi Final lut chiang tawh an ni bawk.
Comments
Post a Comment