Hlawh pechhuak thei turin Treasury inpeih

Serchhip District Treasury Office-a thawktute chuan sawrkar hnathawk nghet te hlawh pekchhuah hun tur hriat la ni lo mah se pekchhuak thei turin an inring reng tih an sawi.
Serchhip Treasury-a thawktute chuan nimin chawhnu lam atang khan Sawrkar Department hnuaia Muster Roll-a thawk te hlawh chu pekchhuah tan a ni tih LENKAWL hrilhin, Workcharge leh Provisional Employees te hlawh erawh an la pekchhuah loh thu an sawi a, Muster Roll te hlawh an pekchhuah rual hian Obligatory Expenses an tih- Tui, Eng, Telephone leh POL atana Office ten Bill hrang hrang an chawi thin te pawh pekchhuah a nih thu an sawi a, OE leh thildang mamawh te erawh pekchhuah ala nih loh thu an sawi bawk a ni.

Serchhip Treasury-a thawktute chuan tunah hian sawrkar hnathawk zawng zawngte hlawh leh Pension hlawh te chu pechhuak thei turin an inring reng tih sawiin, hotu sang lam atanga pechhuak tura an tih veleh pekchhuah nghal theih a ni tih an sawi a. Ni khat-a sum pekchhuah theih zat an neih thin hmanga Bill hrang hrang an pekchhuah thin July 22, 2022 chawhnu lam atanga pechhuak tawh rihlo tura tih an nih chu kaltlangpui zel ala nih thu pawh sawiin, nimin thlengin hetiang lam Bill hi pekchhuah an neih leh tawh rih loh thu an sawi a ni.