Latest News

Zirlai ten thisen Unit 46 pe

Image
Nimin khan Govt. Serchhip College zirlai te chuan Serchhip Blood Bank-a dah turin thisen Unit 46 an pe. Rampum-a 'Ayushman Bhava' kalpui meka Sewa Pakhwada hman mek denchhen leh Govt. Serchhip College in kum 50 a tlin lawmna bakah NSS Foundation Day lo thleng tur den-chhenin nimin khan Govt. Serchhip College NSS Unit leh NCC Air Wing te chuan Serchhip Blood Bank-a dah turin thisen Unit 46 an pe a, thisen petute hi mipa 22 leh hmeichhia 24 niin heng mi tlawmngai te thisen la tur hian Serchhip Blood bank-a thawktute chu College-ah hian kalin thisen hi an lak sak a ni.

Governor in MSCCW a kawm

Mizoram Governor Hari Babu Kambham-pati chuan nimin khan Raj Bhavan-ah Mizoram State Council for Child Welfare (MSCCW) hotute kawmin naupangte tana hamthatna, naupangte humhimna kawng leh naupangte thlamuang taka Society-a an lo than lennatura hmalakna te an sawi a. Governor hnenah hian MSCCW hotute chuan an hmalakna huanga National Painting Competition buatsaih chungchang, National Bravery Award for Children thlanchhuah kawnga hmalakna te, naupang huaisen lawmman dawngte zirna senso chhawmdawlna chungchang leh ICCW atanga naupang chhawmdawl ngaite tanpui an nih dan te report an pe a. MSCCW hotute chuan Danbu in a phut angin Governor chu Chief Patron of MSCCW atan an sawm nghal a ni.

Comments

Popular News (Last 30 Days)