COVID-19 hri kai mi 93 hmuh belh leh an ni

Nimin tlai thleng khan Mizoram-ah COVID-19 hri kai enkawllai mi 476 an awm.

Niminpiah khan Mizoram-ah Sample 535 enfiah niin heng atang hian COVID-19 hri kai mi 93 hmuh leh an ni a, Sample enfiah atanga chhutin za zela 17.38 ten hri kaiin hri kai hmuhchhuah te hi Rapid Antigen Test hmanga Sample enfiah 530 atanga hmuhchhuah te an ni a, ZMC-a RT-PCR Laboratory-ah Sample enfiah 5 awmin hri kai hmuh an awm lo thung. Niminpiah-a Mizoram-a hri kai hmuh te hi Aizawl District-ah 34, Lunglei District-ah 21, Saitual District-ah 12, Champhai District-ah 7, Siaha District-ah 6, Mamit District-ah 4, Kolasib leh Lawngtlai District-ah 3 ve ve, Hnahthial District-ah 2 leh Serchhip District-ah mi pakhat te an ni.

Nimin khan Mizoram District 9 atangin COVID-19 hri kai mi 75 te chu anmahni enkawlna hmun atanga chhuahtir an ni ve leh a, heti hian nimin tlai thleng khan Mizoram-a COVID-19 hri kai hmuh tawh chu 2,37,178 niin an zinga 2,35,980 te chu anmahni enkawlna hmun atanga chhuahtir an ni tawh a, hri kai zingah za zela 99.50 te enkawl dam ni tawhin hri kai enkawllai mi 476 an la awm a, hri kai zingah mi 722 an boral tawh bawk a ni.