COVID-19 hri kai 81 hmuh belh; 82 chhuah tir

Niminpiah khan Mizoram-ah COVID-19 hri kai mi 81 lai hmuh belh leh an ni.

Niminpiah khan Mizoram-ah Sample 581 enfiah niin heng atang hian COVID-19 hri kai mi 81 te hi hmuh an ni a, Sample enfiah atanga chhutin za zela 13.94 te chuan hri kaiin heng hri kai hmuhchhuah zingah mi 80 te hi Rapid Antigen Test hmanga Sample enfiah 577 atanga hmuh te an ni a, ZMC-a RT-PCR Laboratory-ah Sample enfiah pathum awmin heng atang hian hri kai mi pakhat hmuh niin TrueNat Laboratory-a Sample enfiah pakhat erawhin hri a kai lo thung a ni. Niminpiah a Mizoram-a COVID-19 hri kai hmuh te hi Aizawl leh Lunglei District-ah 21 ve ve, Mamit District-ah 13, Champhai leh Saitual District-ah 9 ve ve, Kolasib leh Khawzawl District-ah mi pahnih ve ve leh Serchhip, Lawngtlai leh Hnahthial District-ah mi pakhat theuh te an ni.

Nimin khan Mizoram-ah COVID-19 hri kai mi 82 te chu anmahni enkawlna hmun atanga chhuahtir an ni ve leh bawk a, heti hian nimin tlai thleng khan Mizoram-a COVID-19 hri kai hmuhchhuah tawh chu 2,37,470 niin an zinga 2,36,426 te chu enkawl dam an ni tawh a, hri kai hmuhchhuah atanga za zela 99.56 te enkawl dam ni tawhin hri kai enkawllai mi 322 an la awm a, hri kai zingah mi 722 an boral tawhh bawk a ni. Nimin tlai thleng khan hri kai mi 50 aia tam enkawlna District pahnih la awmin hri kai mi 10 aia tlem enkawlna District 5 a awm bawk a ni.