Bawnghnute dahkhawlna leh vawnthatna hawng

/

AH&Vety Minister Dr. K. Beichhua chuan nimin khan Nisapui ah Bawnghnute dahkhawlna In (Milk Collection Centre) leh khawl hmanga bawnghnute vawnthatna (Bulk Milk Cooler) a hawng.

Milk Collection Centre hawn inkhawmah hian Dr. K. Beichhua chuan Nisapui khua a bawnghnute dahkhawlna leh a vawnthatna hawn a ni ta chu thil lawmawm leh chhinchhiahtlak, Bawng vulhtute tana hmasawnna rahbi thar a ni tih a sawi a, COVID-19 hripui len vangin hun harsa kan tawk chungin an phak ang tawk tawkah hma an la ve zel tih a sawi a, an hmalakna tlawm tak takte Pathian in mal a sawm thu a sawi bawk.

Nisapui Milk Collection Centre hi National Programme on Dairy Development kaltlanga sak a ni a. He programme kaltlang hian Centre sakna tur Rs 2,00,000/- hmuh niin MULCO in Rs. 1,30,000/- an thawh belh a, a vaiin Centre sakna atan hian Rs 3,30,000/- sen a ni. October ni 31, 2019 khan sak tan niin March ni 21, 2021-ah sak zawh a ni. Collection Centre sakna hmun hi Nisapui Village Council in kum 2018 khan Nisapui Primary Co-operative Society hnenah ram an pe a, bulding hi a dung ft. 24 leh a vang ft. 15 a zau a ni a, Nisapui Primary Co-operative Society member 20 ten hnatlang vawi 45 neiin tha 900 zet an seng a ni.

Nimin-a hawn Bulk Milk Cooler (BMC) hi bawnghnute litre 1000 dawng a ni a, D&K Business, Aizawl hnen atang kum 2019 khan Rs. 6,82,040 senga lei a ni a, kumin June thla khan bunfel a ni. BMC hi tunlai thiamna sang ber ber hmanga design a ni a, zing leh tlaiah bawnghnute dahluh thin niin, dah luh atanga darkar 2/3 chhungin degree Celsius 4-ah bawnghnute tih vawh a ni a. MULCO Tanker ten zing dar 5:45-ah an la thin a. Power supply a khaihlak changa hman turin Diesel generator (Jackson Cummins Silent Generator) 10 KVA, Rs. 4,11,820/- man dah a ni bawk. July, 2022 atangin Collection Centre-ah hian bawnghnute chhunkhawm a ni a, nitin chawh rualin litre 237.17 chhun niin, MULCO hian litre khat Rs. 47.41 in a leisak thin a ni.

Nisapui Milk Producers’ Cooperative Society hi March ni 4, 2021 ah register niin an Society hnuaiah hian bawnghnute sawr lai 38 a awm mek a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »