Zu chhe in kaihhnawih vangin mi 158 an thi tawh

/

Mizoram-ah kum 1997 atanga kumin July ni 21 thleng khan Zu chhe in kaihhnawih (Spurious liquor related death) vanga thi mi 158 an awm a, hemi hunchhung a Zu chhe in kaihhnawih vanga thi tam ber kum chu 2017 niin mi 57 an thi a ni.

Excise & Narcotics Department (END) chhinchhiah danin, kum 1997 atanga kumin July ni 21 thlenga Mizoram-a Zu chhe in kaihhnawih a thi hi Aizawl District-ah mi 59 bakah Lunglei District-ah 2, Siaha District-ah 7, Champhai District-ah 10, Serchhip District-ah 1, Kolasib District-ah 77 leh Mamit District-ah mi 2 an ni a, Kumin ah Zu chhe in vanga thi chhinchhiah mi pakhat awmin Siaha District mi a ni bawk. Chhinchhiahna atanga a lan danin hemi hun chhunga Zu chhe In kaihhnawih a thi mi 158 zinga mi 35 te chu Methylated Spirit vanga thi niin, Pethidine 2, BEDC 6 leh IMFL nge rakzu tih finfiah theih loh in vanga thi mi 115 an ni a, hemi hun chhunga Zu chhe kaihnawih in vanga thi zingah hian kum 18 hnuailam an awm lo a, kum 18-72 inkar vek an ni.

Kum 1997 atanga kumin thlenga Zu chhe in kaihhnawih vanga thi tam ber kum chu kum 2017 kha niin Aizawl District-ah mi 4, Champhai District-ah mi pakhat leh Kolasib District-ah mi 52 an thi a. Kum 2016-ah mi 23 thi bawkin kum 2015-ah 9, kum 2014-ah 9 leh kum 2013-ah mi pahnih an thi bawk a. Kum 2018-ah mi 6 leh kumin 2022-ah mi pakhat thi tawhin kum 2019 atanga nikum 2021 thleng khan Zu chhe in kaihhnawih vanga thi chhinchhiah an awm lo thung a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »