World Book of Records-ah Mizoram Police an lang

Mizoram Police ten tum khata ruihhlo hal hnem ber leh nungcha man hnem ber an nih avangin 'World Book of Records' Gold Edition pahnih ah telh a ni.

Thudawn danin ni 24.6.2022 a Mizoram Police in ruihhlo halral runpui an neihah khan ruihhlo kg 930.229 a rit, International Market rate-a Rs. 23,62,09,40,245/- hu halral a ni a, khang ruihhlo halral kha tum khata ruihhlo halralna/tihralna lian ber a ni a. Chubakah nungcha tawlh ruk manna lian tham ber, nungcha 468 zet an man avang te in ‘World Book of Records 2022 Gold Editions’ ah Mizoram Police hming hi a lang ve a ni.

World Book of Records, London te chungah Mizoram Police chuan ruihhlo leh dan lova thil tawlhruk beihletna kawnga an thawhrimna leh an inpekna te hriatpui a, khawvel hriata tarlan sak an nih avangin lawmthu an sawi a. Hetiang dan lova thil tawlhruk te, ruihhlo leh sualna beihletna kawnga mipuite thawhpuina engtiklai pawha an dawn thin avangin Mizoram Police chuan mipui hnenah lawmthu an sawi.

Comments

Popular News (Last 30 Days)

Serchhip DCSO sawn a ni