Tlabung kawng dan titawp

Tlabung Commercial Vehicle Joint Action Committee-ten National Highway 302 chhe zual lai thawmthat phut vanga Ningani kalta zing dar 5:30 atanga an khuaa lirthei lut leh chhuak tur an dan chu Inrinni tlai dar 6:00 atang khan an titawp a. Darkar 60 chuang kawng an dan hnuah hmasawnna hmuh tur a awm thu leh, kawng siamna tur lung tha zawk pawh kawng siamtuten hmun hnih atanga an lakkhawm mek thu an sawi a, mipui lamin chakkhai lamna hun an mamawh tawha an hriat avangin naktuk tlai dar 6:00 thleng kawng dan an tihtawp lailawk thu an sawi a ni.