Workers Meet buatsaih

Serchhip Block Congress Committee chuan nimin khan Serchhip-ah ‘Workers Meet’ an buat-saih a, he hun hi MPCC hruaitu ten Aizawl atangin an rawn hmanpui a ni.
SBCC in nimin a Workers Meet an buatsaih hi chawhma lamah Darnam Veng, Dinthar Veng, Chhim Veng, Vengchung leh Field Veng VC Area te tan Lalpuithanga Hall-ah neih niin chawhnu lamah New Serchhip North leh New Serchhip South te tan New Serchhip YMA Hall-ah neih leh a ni a, he hun hi Serchhip Block Congress Committee President Lalram-nghaka Kawlni chuan kaihruaiin MPCC General Secretary leh MLA hlui T. Sangkunga chuan Lalsawta chu an President ni turin  Pathian in a lo duang lawk a ni tih Mizoram Congress Party boruak kal tawhah khan a lang niin a sawi a. Congress party in Mizoram-ah hmasawnna a thlen nasa nia sawiin, Congress Party chuan Manifesto a tichhuak tep niin a sawi a. Chutah chuan kut-hnathawktute tana hamthatna, cheng nuai 3 aia tam dawn theihna tur te, hnathawk thei lo chhumchhia te tana hamthatna te, Mechanic te tanpuina tur te a tel a rinawm thu a sawi bawk.

Workers Meet hi Vawiin hian P&E Veng, Hmar Veng, S. Kawnpui North leh S. Kawnpui bakah Chanmari VC Area tan neih leh a ni ang.

Comments

Popular posts from this blog

Tukverh-a tlasual boral