Tuitla ruang hmuh a ni ta

Inrinni kalta chhun-a Serchhip leh Thenzawl inkar Mat lui-a chesuala tui-a tla VL. Hmangaih-zuala chu nimin khan a ruang hmuh a ni ta.

Kum 15-a upa VL. Hmangaihzuala hi Inrinni khan a thiante nen Mat-ah tui cheng tura kalin Mat lui an daikai dawn laiin chesualin tui-ah hian a tla a, Inrinni chawhnu atang khan tui tla zawn hna hi ngawrh taka thawh niin mi tlawmngai te pawh luidung-ah hian an riak a, nimin lamah khawtlang huapa zawng tura inbuatsaih a nih mek laiin a chetsualna atanga KM 4 vela hla, Chawm kai ah tui in a ruang a rawn len hi hmuh a ni a, a thlang a ngar an hemna ah lo changin a ruang hi lak-chhuah a ni ta a ni.

VL Hmangaihzuala ruang hi nimin vek khan an chenna, Thenzawl Vengchhak-ah lak nghal a ni a, nimin chawhnu dar 1:00 khan an chenna In-ah hian vuina hun hmangin thlahliam nghal a ni.

Hetihlai hian Thawhlehni kalta tlai thim hlima Sihhmui Kai bula lirthei chetsualna thlenga Tlawng lui-a tla te Lalfakzuala Chenkual te pafa, Chaltlang Lily Veng te chu Mizo dan-a ni 7 chhung zawn an nih hnuah pawh an ruang hmuh a ni ta lo thung a. Nimin chawhnu dar 3:00 khan an chetsualna hmunah hian Central YMA leh Sihhmui Branch YMA te buatsaihin khawtlang huapa zawn tihtawpna hun hi buatsaih niin Central YMA Vice President Lalhmachhuana a kaihruai a, he hunah hian Central YMA President R. Lalngheta bakah  chhungkaw aiawh, Sihhmui Branch YMA leh Chaltlang Lily Veng Branch YMA aiawhte pawhin thu an sawi a. Lalfakzuala Chenkual te lawina Salvation Army CO, Maj. J. Liankhama'n hunserh a hmanga Chaltlang Lily Veng Corp Band-in anmahni thlahna rimawi an tum bawk a ni. Hetiang bawk hian Lalfakzuala Chenkual te pafa zawn tihtawpna hi Sairang Branch YMA huaihawtin Sairang Balu kai leh Sairang Dinthar YMA huaihawtin Buichali kai ah hman a ni bawk a ni.

Comments

Popular posts from this blog

Volleyball S/F khel dawn