COVID-19 enkawllai 68 awm

/

Serchhip District-ah nimin tlai thleng khan COVID-19 hri kai enkawllai mi 68 an awm.

Nimin khan Serchhip District-a khaw pathum atangin COVID-19 hri kai mi 6 hmuh belh leh an ni a, an zinga mi 4 chu Serchhip Town chhunga mi te niin P&E Veng leh Bukpui-ah hri kai mi 2 ve ve hmuh an ni a, Piler leh East Lungdar khua ah hri kai mi pakhat ve ve hmuh an ni bawk. Nimin khan Serchhip District-ah hri kai mi 9 te chu anmahni enkawlna hmun atanga chhuahtir an ni ve leh bawk a, an zinga mi 5 te chu Thenzawl khua niin Serchhip Chanmari Veng, East Lung-dar, Khawlailung leh Ngentiang atangin hri kai mi pakhat theuh enkawl dam an ni bawk.

Heti hian nimin tlai thleng khan Serchhip District-a COVID-19 hri kai hmuh tawh chu 14,400 niin an zinga 14,297 chu enkawl dam an ni tawh a, hri kai hmuhchhuah atanga za zela 99.25 te chu enkawl dam ni tawhin hri kai en-kawllai mi 68 an la awm a, hri kai zingah mi 35 an boral tawh bawk a ni. Tun dinhmunah Ser-chhip District chhunga khaw hrang hrang zingah Thenzawl chu hri kai enkawllai tamna ber la ni zelin hri kai enkawllai mi 22 an awm a, Serchhip Town chhunga mi 19 enkawllai la awm bawkin East Lungdar-ah mi 14 enkawl an la ni a, khaw dangah hri kai pakhat te te enkawllai an la awm bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »