Serchhip District-ah ASF vangin Vawk 224 thi leh tawh

Kumin chhungin Inrinni thleng khan African Swine Fever (ASF) vangin Vawk 224 a thi tawh a, Vawk 314 suat a ni tawh bawk.

Serchhip-a AH & Vety Department chhinchhiahna atanga a lan danin kumin chhung hian Serchhip District-a khaw 8 te chu ASF hri lenna hmunah puan an ni tawh a, heng zinga khaw 7-ah hian ASF vanga Vawk thi awm tawhin East Lungdar-ah 87 thiin 27 suat a ni tawh a, North Mualcheng-ah Vawk 52 thiin 30 suat a ni tawh a, Sailulak-ah 33 thiin 28 suat a ni tawh a, North Vanlaiphai-ah Vawk 31 thiin 24 suat a ni tawh bawk.

Heng bakah hian Lungchhuan-ah Vawk 11 thiin 5 suat a ni tawh a, Bawktlang-ah Vawk 6 a thih bakah 25 suat niin Khawlailung-ah Vawk thi 4 a awm tawh bakah 109 suat a ni tawh a. ASF hri lenna hmuna puan New Serchhip-ah Vawk thi ala awm lo thung a, Vawk damlo an suat chu Sample enfiah a nih hnuah ASF hri a kai avangin ASF hri lenna ah hian heng Vawk vulhna leh a vel chu puan a ni ta tho a ni.

Hetihlai hian AH&Vety Department in an chhinchhiah danin Inrinni thleng khan African Swine Fever vangin Mizoram-ah Vawk 9,316 a thi tawh a, ASF hian Mizoram District 10-a khua leh Veng 129 a tibuai tawh a, ASF vei nia rinhlelh Vawk 8,038 suat a ni tawh bawk a ni.

Comments

Popular posts from this blog