Latest News

Kumin chawhnu lamah LMC inthlan buatsaih tum

Lunglei Municipal Council (LMC) hmasa ber din tura inthlanna chu kumin chawhnu lama buatsaih tum a ni.

Mizoram State Election Commissioner (SEC) Laima Chozah sawi danin Lunglei Municipal Council (LMC) inthlanna atan hian inbuatsaihna a kal chho mek zel a. Bial (Ward) 11 awm tura tih a ni a, a bial ramri te pawh rinfel vek a ni tawh a, inthlanna a hman tur Electoral Roll buaipui mek a ni.

Electoral Roll siamfel a nih hnuah chuan Bial 11-a Bial 4 (hmun thuam then hmun khat) chu hmeichhia chauh chuh theih tur a nih dawn avangin khawi bial te nge hmeichhe bial tur tiin thumvawr a nih dawn thu a sawi a. Inthlan senso atana sawrkara an sum dil angte pek an nih chuan inthlan buatsaih theih mai a nih tur thu Laima Chozah chuan a sawi a ni.

November 21, 2021-a Chief Minister hova Council of Minister thukhawm chuan Lunglei Municipal Council (LMC) din hi an remti tawh a, hei hi sawrkar chuan bawhzui zelin kum 2022-23 budget-ah Mizo-ram sawrkar chuan LMC bultanna atan cheng nuai 80 a dah a, a tul anga Fund Allocation tih belh zel theiha ruahman niin LMC-a hmeichhe Ward hi thlak kual thin a ni dawn a ni.

Comments

Popular News (Last 30 Days)