Serchhip-ah Hmeichhia te kaihhnawih Dan chi hrang hrang zirho a ni

Mizoram State Commission for Women (MSCW) buatsaihin nimin khan Serchhip District tan Hmeichhia te humhalhna kawnga Dan hrang hrangte inzirtirna chu Serchhip-ah neih a ni.



‘Legal Awareness Programme in Laws Related to Women’ hi Serchhip P&E Veng YMA Hall ah neih niin he hun hi Serchhip Addl. DC Lalmuansanga Ralte chuan khuallian niin a hmanpui a, hetiang hun pawimawh Serchhip-a rawn buatsaihtu Mizoram State Commission for Women te chungah lawmthu sawiin, Serchhip District chu ziak leh chhiar thiam tam lamah India ram puma District hrang hrang zingah a sang pawl kan nih avangin thil tam takah District dang te aia ziaawm tura ngaihna a awm tih a sawi a. India ramah chi inthliarna nasa tak a awm thin thu sawiin, keini State-ah erawh Kristianna in thil tam takah min tih awlsam thu a sawi a, amaherawh chu hei hi kan duhtawkna mai tur a ni lo tih sawiin, hma kan sawn zel a tul thu a sawi.

Serchhip Addl. DC chuan Mizo hmeichhia te chu an chhelin an duhna lamah chuan an ngaihtuahna pawh a kal bingin thil an ti thei viau thin tih a sawi a, chutihrual chuan khawi hmunah te emaw chuan an pasal te emaw, an chenpui chhungkua te atangin emaw harsatna nasa tak an tawk thin tih sawiin, “Dan in min humhalh a, Dan in chanvo min pe a, chu chu tumah in min lak sak thei lo a ni,” a ti a. Serchhip District chu kan vanneih thu pawh sawiin, hmeichhia ten harsatna an tawh thulha an pan theih tur One Stop Centre (OSC) a awm thu leh Hmeichhia te tan Beti Bachao Beti Padhao (BBBP) kalpui mek a nih thu te a sawi a. He huna an thil zir hrang hrangte chu midangte hrilhchhawng zeltu ni turin a chah bawk a ni.


Serchhip District tana Hmeichhia te kaihhnawih Dan chi hrang hrang zirhona hun hi MSCW Chairperson Lallawmchhungi chuan kaihruaiin T. Lalnunsiama Advocate chuan Mizo inneih, inthen leh rokhawm Dan chungchangah zirtirna pein  Dr. PC. Lalramenga MD chuan 'Women's Health, Physical, Mental and Psychology' tih thupui hmangin zirtirna a pe a. 'Protection of Women from Domestic Violence Act 2001', 'Sexual Harassment of Women at Workplace, 2013' leh Cr.PC leh Hmeichhe kaihhnawih Dan dang chungchang ah C. Ramdinmawii Advocate chuan zirtirna a pe bawk a. Hei bakah hian Serchhip ICDS Project-a CDPO Caryll Lalpari chuan Women and Child Development hnuaia Hmeichhia te tana hmalakna hrang hrangah zirtirna a pe bawk a ni.

Comments

Popular posts from this blog

Volleyball S/F khel dawn