SDGs zirtirtu tur ten training an nei tan

Mizoram District hrang hranga SIRD&PR hnuaia Master Trainer te tan ni 4 awh tur ‘Training of Master Trainers on Localization of Sustainable Development Goals’ chu nimin khan neih tan a ni.

State Institute of Rural Development & Panchayati Raj (SIRD&PR), Mizoram buatsaih he training hawnna SIRD&PR, Durtlang Leitan-a neih hi LAD Secretary David Lalthantluanga chuan hmanpuiin kum 2019 khan United Nations General Assembly chuan kan khawvel thang zelah nakin huna kan tu leh fate tana chenna tlak a nih theih nan hmasawnna kan kalpui ruala kan tih tur leh kalpui tur pawimawh tak tak, Goal 17 lai a duang chhuak a, chung Goal hrang hrang te chu kum 2030-ah chuan tihhlawhtlin tura ruahman a ni, a ti a. Ram hrang hrangin hei hi an kalpui mek thu leh kan ramah pawh kalpui mek niin, hemi tihlawhtling tur hian tuna khawmte chu a zirtir chhawng leh tur an nih avangin an pawimawh thu a sawi bawk.

LAD Secretary chuan Ministry of Panchayati Raj (MoPR) hnuaia Rashtriya Gram Swaraj Abhiyan (RGSA) Scheme kalpui mekah kan tualchhung roreltu, Village Council-te an theihna leh thiamna tihpun (Capacity Building) chu ngaih pawimawh a nih thu sawiin, “Kan VC te hi anmahni a hmasawnna hna thawk thei tura kan chher a ngai a. SDG Goal 17- te tihlawhtling tur chuan tualchhung roreltu, VC te hi an pawimawh a, chung VC te zirtirna petu tur chu in nih avangin mawhphurhna sang tak in nei a ni,” a ti a. VC te pawh National Award dawng thei tura inbuatsaih a hma an lak a pawimawh dawn thu a sawi bawk.

He training hawnna hun hi SIRD&PR Director Lalhmunsanga Hnamte chuan kaihruaiin Training-ah hian Mizoram District hrang hrang atangin Master Trainer mi 55 an tel a ni.

Comments

Popular News (Last 30 Days)

Serchhip DCSO sawn a ni