MZP in 'Thu leh Hla Kutpui 2022' an hmang

Mizo Zirlai Pawl (MZP) General Hqrs. buatsaih 'Thu leh Hla Kutpui 2022' khuhhawnna chu nimin khan Aizawl-a Vanapa Hall-ah neih a ni.

Ni 2 awh tur 'Thu leh Hla kutpui 2022' khuhhawnna hi nimin chawhma lam khan Social Welfare Minister Dr. K. Beichhua chuan khuallian nia hmanpuiin MZP in ziak mite tana hetiang hun a buatsaih leh MAL Book of The Year dawng tawhte a chawimawi chuan ziak mite a fuih nasa hle tih a sawi a ni. Nimin a hun hman hi chawhnu lamah School Education Minister Lalchhandama Ralte chuan hmanpui bawkin Ziak mite chu thi mahse, an thu leh hlate hian kum tam tak hnuah pawh mi thinlung ah thu a sawi thin a ni, tiin “Zirlaite leh thangthar hian lehkhabu chhiar i uar thar ang u,” a ti bawk.

Nimin a he hun hman ah hian chawhma lamah ziaktu Revd Chuathuama, C. Chhuanvawra, Lalhriata leh Zirsangkima te kawmna hun hman niin chawhnu lamah R. Lalrawna, B. Lalhriattira leh Lalrammawia Ngente-te kawmna hun hman a ni bawk.

Comments

Popular News (Last 30 Days)

Serchhip DCSO sawn a ni