MZP in Pension rawihnawn duhloh zel an tum

Mizo Zirlai Pawl (MZP) General Hqrs. chuan Cooperation Department hnuaia thawk pension tawh rawih nawn an duhloh lantirna kalpui zel relin Pension tawh rawih nawnna Order hi sut a nih loh chuan Cooperation Department Minister Pisa kai tur pawh dan an tum thu an sawi.

MZP hian Cooperation Department hnuaia Additional Registrar of Cooperative Societies (RCS) pension tawh Lalrinsanga rawih nawn tha a tih loh zia lantir nan leh Pension rawih nawnna Order sut phutin an lo ruahman lawk tawh angin nimin chawhma khan Registrar Cooperative Societies Office kawt-ah Lalrinsanga pisa kai tur dang turin an pungkhawm a, Lalrinsanga hian ni thum (3) chhung chawlh a lak avangin chawhma dar 11:00 khan Pisa kai tur dan hi tihtawp lailawk a ni.

MZP hian Aizawl khawpui chhunga College hrang hrang SU hruaitute nen thutkhawm hmanhmawh nei zui nghalin zirlaite leh thalai hna zawng mek te tana theihtawp chhuaha hmalak zui zel an rel a, MZP in vawi tam tak pension ruai nawn lo tura a ngenna ngai pawimawh lo a hmalatu Cooperation Minister C. Lalrinsanga leh he Department hnuaia rawih nawn mek Lalrinsanga, Addl. RCS (Rtd) te chu an dem takzet tih sawi nawn lehin, August 4, 2022 ralhma ngeia pension rawih nawn a nihna thupek hi sut tura an phut thu an sawi a. Sut a nih loh chuan August 5, 2022-ah Registrar Cooperative Societies pisa kai tur dan leh a nih tur thu leh August 8, 2022 (Thawhtanni)-ah Cooperation Department Minister C. Lalrinsanga pisa kai tur dangin, kawngzawh a nih tur thu an sawi bawk a ni.

Comments

Popular posts from this blog