Mizo Zaimi Inzawmkhawm (MZI) chuan nimin khan an dinchampha vawi 42-na an lawm a, MZI Hqrs. Serchhip pawhin an dincham pual hian hun an hmang a ni.
MZI Hqrs. Serchhip te hian an dinchampha pual hian chawhma lamah Serchhip Blood Bank-ah thisen Unit 8 an pe a, an zingah hian hmeichhia pakhat telin hemi hnu hian SIRD Conference Hall-ah an dincham lawmna hi an pawl Vice President Lalremruata Ralte kaihhruaiin an nei zui leh a ni.
MZI dinchampha lawmna hunah hian an President K. Saitluanga chuan MZI te chu danglamna bik riau nei, Specialist Group an nih thu sawiin, thu leh hla chu kan Culture pholanna te, lungaihna leh lunglenna kai tho tu anih thu te, tunlai khawvel ah thu leh hla pawimawhna chu sawifiah sen anih loh thute a sawi bakah an hmasawnna zelna tur atana fuihna thu te a sawi bawk.
MZI Hqrs. Serchhip hnuaiah hian member 57 awm mekin East Lungdar leh Thenzawl khua ah Sub-Hqrs. an nei a, Khawbel, Chhing-chhip leh Sailulak-ah Branch an nei bawk a ni.
Comments
Post a Comment