MPCB Chairman atan Rosiama Vanchhawng ruat

Mizoram Pollution Control Board (MPCB) Chairman thar atan tunhnai khan Rosiama Vanchhong, Indian Forest Service/IFS (Rtd) ruat (appoint) a ni a, July ni 22, 2022 khan, Mizoram sawrkar-a Principal Secretary, Environment, Forests & Climate Change (EF&CC) changtu, Jitendra Kumar chuan hriattirna a tichhuak tawh a ni.

Mizoram sawrkar chuan nikum August 3, 2021 khan R. Thanga, MJS (Rtd) chu MPCB Chairman atan ruatin August 9, 2021 atangin Chairman hna hi a lo thawk tawh a, Mizoram sawrkarin MPCB Chairman a ruat dan chungchang hi nikum September ni 9 khan Assembly Session-ah member thenkhat ten auchhuahpuiin chumi hnu, September ni 23, 2021-ah MPCB Chairman R. Thanga, MJS (Rtd) chuan EF&CC Principal Secretary hnenah banna a thehlut zui a, banna lehkhaa a tarlan danin, Chairman a ruat a nihnaah thu inchuh a awm thu leh chumi vanga ban mai tha zawka a hriat vangin thutlukna a siam tih a tarlang a ni.

Hetianga MPCB Chairman in banna a thehluh hnu hian Jitendra Kumar (IFS), EF&CC chu MPCB Chairman ni chhunzawmin, hun engemaw chen hnu July ni 22, 2022 khan Chairman atana Rosiama Vanchhong, IFS (Rtd) ruatna notication chu Mizoram sawrkar in a tichhuak leh ta a ni. MPCB Chairman hna hi kum 3 emaw, kum 65 tlin thleng thawh theih a ni.

Comments

Popular posts from this blog