Mi 2 te la zawng zui mek zel

Nizan hmasa a Tlawng lui Sihhmui kai-a lirthei chesuala avanga chin hriatloh a awm mi pahnih te chu nizan thleng khan an chin hriat la ni lovin mi tlawmngai ten an zawng mek.

He lirthei Venue Car (MZ-01U/1162) hi nizan hmasa dar 7:00 vel khan Lengte peng leh Sihhmui inkar, Leidawh thlen hma deuh kawng kual laiah motor dang nen intawkin kawng khuar lai an dai hnuah chesualin kawngthlang ah an tlanliam a, a thlang hi Tlawng lui niin hetah hian Motor hi a tla lut zui a ni. He Motor hi C. Lalfakzuala (39), Thuampui, Aizawl-a CK. Enterprise (motor rawng kahna dawr) neitute ta leh ama khalh a ni a, amah bakah hian a fapa Malsawmkima leh midang pahnih, Lalngaihawma s/o Vanlalrimtuia leh Mano Lalrinhlua s/o R. Laltanpuia, Chaltlang Lily Veng ve ve te an chuang a. Mano Lalrinhlua leh Lalngaihawma te hi kawngpui ah vakchhuakin Motor neitute pafa erawh nizan hmasa atanga nimin thleng khan mi tlawmngai ten an zawng a, hmuh an la ni lo a ni.

C. Lalfakzuala te hi niminpiah khan an dawr thenawm te nen Daifim Picnic Spot-ah birthday lawm paha intihlim tura kal an ni a, an haw lamah vanduaina hi an tawk niin a lang a, nimin khan Veng hrang hrang atangin tuithiam ten anmahni zawn hna hi an thawk a ni.

Comments

Popular posts from this blog