Lok Adalat thutkhawm nei

National Lok Adalat thutkhawm chu ramchhung hmundangte rualin Inrinni khan Serchhip District-ah pawh neih a ni a, tun tumah hian thubuai ngaihtuah tur chhawpchhuah 58 awm ah thubuai 20-ah inremna siam a ni. Tun tuma thubuai ngaihtuah tura chhawpchhuah zinga 47 te chu Bank pawisa bat kaihhnawih niin thubuai 14-ah inremna siam niin hemi atang sum hmuhlet chu Rs. 30,54,828.30 a ni a, Civil case dang 11 chhawpchhuah ah 6 chinfel a ni bawk.