Independence Day lawm dawn

Ram zalenna ni champha vawi 75-na chu Vawiin hian rampum ah ropui taka lawm a ni dawn a, Serchhip-ah pawh I&PR Minister Lalruatkima hovin India Independence Day hi lawm a ni ang. COVID-19 hri leng avanga kum hnih chhung mipui punkhawmna nei lova ram zalenna ni lawmna neih a nih hnuah kumin hian mipuite nen Zalenna ni champha hi lawm a ni dawn a, Serchhip-ah chuan chawhma dar 11:00-ah Minister Lalruat-kima chuan Hnam puanzar pawtparhin Parade chibai buk a chhanglet anga, mipuite hnenah thu-chah sawiin, lawmman chi hrang hrang a sem nghal dawn a. Mipuite tan Hnam Lam leh zai te en tur a awm dawn bawk a ni.