JJM hnuaia Lunglei District-a hmalakna thlirho

Nimin khan Lunglei District Water & Sanitation Committee (DWSC) chu an Chairman leh Lunglei District Bawrhsap Kulothungan A IAS hovin DC Conference Hall-ah an thukhaw a, Lunglei District-a Jal Jeevan Mission (JJM) hnathawh kal mekte leh hmachhawpte sawiho a ni. State leh District Water & Sanitation Mission-te hi Sawrkar laipui Ministry of Jal Shakti hnuaia Jal Jeevan Mission (JJM) thiltumte ti hlawhtling tura din niin he Scheme in a tum ber chu thingtlang chhungkaw tin te tui thianghlim hnianghnar tak leh man man taka anmahni In-ah ngei pekchhuah a ni a. Kum 2024 ralhma ngeiin India rama thingtlang chhungkaw (Rural Household) tinah Tui connection (Functional Household Tap Connection - FHTC) pekchhuah tum a ni a. Lunglei District-ah hian khaw 120 ah hmalak tum niin kum 2019-20 chhungin khaw 31 leh kum 2020-21 ah khaw 19 zawhfel niin household 7104 ah tui connection pek tawh an ni.