Hri kai mi 5 hmuh belh leh

Nimin khan Serchhip District-ah COVID-19 hri kai mi 5 hmuh belh niin hri kai mi 3 te chu anmahni enkawlna atanga chhuahtir leh an ni.

Nimin khan Serchhip District chhunga khaw pahnih atangin COVID-19 hri kai mi 5 lai hmuh belh leh an ni a, heng te hi North Vanlaiphai-ah mi 3 leh Serchhip P&E Veng-ah mi pahnih te an ni. Nimin khan Serchhip District-a hri kai mi 3 te chu anmahni enkawlna hmun atanga chhuahtir an ni ve leh a, heng te hi Serchhip P&E Veng-a mi pakhat bakah Thenzawl leh East Lungdar a mi pakhat ve ve te an ni.

Heti hian nimin tlai thleng khan Serchhip District-a COVID-19 hri kai hmuh tawh chu 14,453 niin an zinga 14,400 te chu enkawl dam an ni tawh a, hri kai hmuhchhuah atanga chhutin za zela 99.40 te chu enkawl dam ni tawhin hri kai enkawllai mi 18 an la awm a, hri kai zingah mi 35 an boral tawh bawk a ni.

Serchhip District-a COVID-19 hri kai enkawllai mi 18 zinga 8 te hi Serchhip khua niin P&E Veng, Hmar Veng leh Medical Quarters-ah mi pahnih theuh bakah Chhim Veng leh Zozam Veng-ah mi pakhat ve ve an ni a. Heng bakah hian North Vanlaiphai-ah mi 4, Thenzawl ah mi 3, Khawlailung-ah mi pahnih leh East Lung-dar-ah mi pakhat enkawl mek an la ni.

Comments

Popular News (Last 30 Days)

Serchhip DCSO sawn a ni