Hri kai hmuhchhuah la tlahniam hlei thei lo

/

Mizoram-ah ni khat-a COVID-19 hri kai hmuhchhuah ala tlahniam hlei thei lova, niminpiah khan hri kai mi 226 zet hmuhchhuah leh an ni.

Niminpiah khan Mizoram-ah Sample 891 enfiah leh niin heng atang hian COVID-19 hri kai mi 226 hmuh an ni a, Sample enfiah atanga chhutin za zela 25.36 te chuan hri an kai a ni. Heng hri kai hmuhchhuah te hi Rapid Antigen Test hmanga Sample enfiah 881 atanga hmuh vek an ni a, Lunglei District-ah 61, Siaha District-ah 37, Aizawl District-ah 36, Saitual District-ah 25, Champhai leh Khawzawl District-ah mi 16 ve ve, Serchhip District-ah 14, Mamit District-ah 10, Kolasib District-ah mi 8 leh Hnahthial District-ah mi 3 te an ni a. ZMC-a RT-PCR Laboratory-ah Sample 7 leh TrueNat Laboratory-ah Sample 3 enfiah niin hri kai hmuhchhuah an awm lo thung a ni.

Nimin khan Mizoram District 10 atangin COVID-19 hri kai enkawl dam mi 218 an awm belh leh a, heti hian nimin tlai thleng khan Mizo-ram-a COVID-19 hri kai hmuhchhuah tawh chu 2,34,926 niin an zinga 2,33,294 chu enkawl dam an ni tawh a, hri kai hmuhchhuah atanga chhutin za zela 99.30 te enkawl dam ni tawhin hri kai enkawllai mi 916 an la awm a ni.

Nizan hmasa khan Mizoram-ah hri kai enkawllai mi pakhat a boral ve leh a, heti hian nimin thlenga Mizoram-a COVID-19 hri kai te zingah mi 716 an boral tawh a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »