Hri kai enkawllai 56 awm

Nimin tlai thleng khan Serchhip District-ah COVID-19 hri kai enkawllai mi 56 an awm.

Nimin khan Serchhip District-ah COVID-19 hri kai hmuhchhuah belh an awm lova, Inrinni khan hri kai mi pakhat hmuh belh awmin Ser-chhip P&E Veng a mi a ni. Inrinni khan Serchhip District-ah CO-VID-19 hri kai enkawl dam mi 12 an awm ve leh bawk a, heng hri kai enkawl dam zinga mi 7 te hi Thenzawl khua niin East Lungdar-ah mi 2 leh North Vanlaiphai leh Lungpho khua ah mi pakhat ve ve an ni.

Heti hian nimin tlai thlenga Serchhip District-a COVID-19 hri kai hmuh tawh chu 14,436 niin an zinga 14,346 te chu enkawl dam an ni tawh a, hri kai hmuhchhuah atanga chhutin za zela 99.37 te enkawl dam ni tawhin hri kai enkawllai mi 56 an la awm a, hri kai zingah mi 5 an boral tawh bawk a ni. Serchhip District-ah Khawbel khua chu hri kai enkawllai tamna ber ni mekin mi 13 enkawllai an la awm a, Serchhip leh East Lungdar-ah mi 11 ve ve, Thenzawl-ah mi 8, North Vanlaiphai-ah mi 5, Lungpho-ah mi 4, Piler leh Thinglian-ah mi 2 ve ve leh Khumtung leh Sialhau-ah mi pakhat ve ve te an ni.