Family Oriented SEDP-ah AH&Vety in Beneficiary nghah berin Trade mal-ah Vawk vulh thlang an tam ber

Tunhnaia Chief Minister Zoramthanga’n a tlangzarh tak ‘Family Oriented SEDP’ hnuaiah AH & Vety Department chu Department mal-a beneficiary ngah ber niin 25,399 an awm a. Trade hrang hrang zingahVawk vulh thlangtu tam berin mi 16,514 in an thlang bawk a ni.

Mizoram sawrkar Flagship Programme, SEDP hnuaia ‘Family Oriented’ hi Department 9- Agriculture, Horticulture, AH&Vety, Fisheries, Sericulture, Land Resources, Soil & Water Conservation, Commerce & Industries, Urban Development & Poverty Alleviation leh Tourism Department ten an kalpui dawn a, heng Department hnuaiah hian Trade items 70 chuang awmin Assembly bial tinah mi 1500 zel tanpui phawt tura ruahman ni mah se Serchhip District-ah mi 4499 an nih avangin tun tumah hian Beneficiary 59,999 awm tura ruahman a ni a, heng zinga za zela 42.33 chu AH & Vety Department hnuai niin mi 25,399 an ni a, Commerce & Industries-ah 13,266, Agriculture-ah 9161, LRS&WC-ah 5680, Horticulture-ah 4078, Fisheries-ah 1261, UD&PA-ah 828, Sericulture-ah 300 leh Tourism-ah 26 an ni.

Trade hrang hrang zingah Vawk vulh thlangtu tam berin 16514 in an thlang a, hei hi beneficiary atanga chhutin zaa 27.5 a tling a, Ar vulh thlangtu 7072 awmin Vaimim/Bekang chin ah 5619, Eichawp dawr-ah 4072, Hmun-phiah chin-ah 3312, Leilet-ah 2785, Kuhva chin-ah 2301, Mistiri (Capentry works)-ah 2116, Puanthui-ah 1831 leh Sangha khawi-ah 1261 te chu a tam zual an ni a, Trade dang thlangtu mi 13,116 an awm bawk a ni.

Hetihlai hian Serchhip District-a SEDP buaipuitute chuan hmalak dan tur ruahmanna thar an la neih loh thu LENKAWL an hrilh a, kar kalta a SEDP khuhhawnna neih a Serchhip DC aiawha kal te chuan Vawiin hian SEDP chungchang ah thutkhawm an la neih dawn thu leh Sawrkar in District tinah a hawnna hi nei tura ruahmanna a lo siam tawh thu te pawh an sawi bawk a ni.

Comments

Popular News (Last 30 Days)

Serchhip DCSO sawn a ni