Latest News

DIET Serchhip in Graduation Day an hmang

District Institute for Education and Training (DIET) Serchhip chuan kumin a Diploma in Elementary Education (D.El.Ed) pass chhuakte pualin nimin khan Graduation Day an hmang.
DIET Serchhip Multipurpose Hall-a Graduation Day an hmanna ah hian DIET Serchhip Principal Lalrammawia chuan an zirlai, kumin a zirchhuak te chu a lawmpui thu sawiin, Zirtirtu tha ni turin Pass chhuah tur awm mah se Exam-a pass chhuah chi ni lo thil pawimawh tak tak- Taimakna, Tih tak takna, thahnem ngaihna neih te a pawimawh thu a sawi a, heng te hi Zirtirtu tha ni tur chuan an neih ngei a pawimawh thu leh chutiang nih tum tur chuan zirlai chhuak turte chu a chah a ni.

Nimin-a he hun hmanna ah hian DIET Serchhip Lecturer R. Lalhmangaiha chuan inlawmna thu sawiin kumin-a D.El.Ed zo te hnenah Certficate hlan an ni a. DIET Serchhip-ah hian kum 2016 atang khan D.El.Ed zirna hi hawn niin kum 2 Course a ni a, kum 2018-ah Batch hmasa ber ten zo in Training zawng zawng mi 38 in an pass vek a, kum 2019-ah mi 26 ten pass lehin kum 2020-ah mi 35 leh kum 2021-ah mi 43 bakah kumin 2022-ah mi 45 ten an pass a, kum 2018 atanga 2022 chhung hian mi 187 ten Serchhip DIET atang hian D.El.Ed hi an zo tawh a, Exam zawng zawng an la pass vek a ni.

Sawrkar in Zirtirtu tanglaite pawh Training nei vek tura a tih angin DIET Serchhip-ah hian In-Service Training pawh neih ni tawhin Regular-ah mi 137 leh Online Distance Learning (ODL) ah mi 340, an vaiin mi 477 ten training an zo tawh bawk a, heng te nen hian Serchhip DIET atang hian mi 664 ten Zirtirtu Training hi an zo tawh a ni.

Comments

Post a Comment

Popular News (Last 30 Days)