COVID-19 kai thar 55 leh chhuahtir 114 awm

Pathianni khan Mizoram-ah COVID-19 hri kai mi 55 hmuh belh leh niin nimin khan hri kai mi 114 te chu anmahni enkawlna hmun atanga chhuahtir an ni.

Niminpiah khan Mizoram-a RT-PCR Laboratory leh TrueNat Laboratory-ah Sample enfiah awm lovin Rapid Antigen Test hmangin Sample 211 enfiah a ni a, heng Sample enfiah atang hian COVID-19 hri kai mi 55 hmuh niin Sample enfiah atanga chhutin za zela 26.07 te chuan hri an kai a, hri kai hmuhchhuah te hi Lunglei District-ah 31, Kolasib District-ah 8, Saitual District-ah 7, Champhai District-ah 4, Aizawl District-ah 3 leh Serchhip leh Mamit District-ah mi pakhat ve ve te an ni.

Nimin khan Mizoram District 10 atangin COVID-19 hri kai mi 114 te chu anmahni enkawlna hmun atanga chhuahtir an ni ve leh bawk a, heti hian nimin tlai thlenga Mizoram-a COVID-19 hri kai hmuh tawh te chu 2,36,105 niin an zinga 2,34,798 te chu enkawl dam an ni tawh a, hri kai hmuhchhuah atanga chhutin za zela 99.45 te chu enkawl dam an ni tawh a, hri kai enkawllai mi 590 la awmin hri kai zingah mi 717 an boral tawh bawk a ni.

Comments

Popular News (Last 30 Days)

Serchhip DCSO sawn a ni