COVID-19 hri kai enkawllai mi 570 la awm mek

Nimin tlai thleng khan Mizoram-ah COVID-19 hri kai enkawllai mi 570 an la awm.

Zirtawpni khan Mizoram-ah Sample 619 enfiah niin heng atang hian COVID-19 hri kai mi 101 hmuhchhuah an ni a, Sample enfiah atanga chhutin za zela 16.32 te chuan hri an kai a ni. Zirtawpni a hri kai hmuhchhuah te hi Rapid Antigen Test hmanga Sample enfiah atanga hri kai hmuhchhuah vek an ni a, Kolasib tihloh District dangah hri kai hmuhchhuah an awm vek a ni. Inrinni khan Mizoram-ah Sample 403 enfiah leh niin heng atang hian COVID-19 hri kai mi 72 hmuh leh an ni a, Sample enfiah atanga chhutin za zela 17.87 te chuan hri an kai a, an vai hian Rapid Antigen Test hmanga hri kai hmuh te vek niin Serchhip leh Khawzawl District tihloh District dang zawngah hri kai hmuh an ni.

Inrinni khan Mizoram-ah COVID-19 hri kai enkawl mi 118 te anmahni enkawlna hmun atanga chhhuahtir niin nimin khan mi 72 te chhuahtir an ni leh bawk a, heti hian nimin tlai thlenga Mizoram-a COVID-19 hri kai hmuhchhuah tawh chu 2,36,843 niin an zinga 2,35,555 te chu enkawl dam an ni tawh a, hri kai hmuhchhuah atanga chhutin za zela 99.45 te enkawl dam ni tawhin hri kai enkawllai mi 570 an la awm a. Nimin khan COVID-19 hri kai boral mi pathum chhinchhiah belh awmin Mizoram-a hri kai zingah mi 720 an boral tawh a ni.