COVID-19 hri kai enkawllai mi 450 la awm mek

Nimin tlai thleng khan Mizoram-ah COVID-19 hri kai enkawllai mi 450 an la awm.

Niminpiah khan Mizoram-ah Sample 534 enfiah niin heng atang hian COVID-19 hri kai mi 103 hmuh belh leh an ni a, Sample enfiah atanga chhutin za zela 19.29 te chuan hri an kai a ni. Heng hri kai hmuh thar te hi Rapid Antigen Test hmanga Sample enfiah 533 atanga hmuh vek niin ZMC-a RT-PCR Laboratory-ah Sample pakhat enfiah niin hri a kai lo thung, Niminpiah-a Mizoram atanga COVID-19 hri kai hmuh te hi Lunglei District-ah 25, Lawngtlai District-ah 17, Saitual District-ah 13, Champhai District-ah 12, Aizawl District-ah 11, Khawzawl District-ah 7, Siaha District-ah 6, Serchhip leh Mamit District-ah 5 ve ve leh Hnahthial District-ah mi pahnih te an ni.

Nimin khan Mizoram District 10 atangin COVID-19 hri kai mi 86 chu anmahni enkawlna hmun atanga chhuahtir an ni ve leh bawk a, heti hian nimin tlai thlenga Mizoram-a COVID-19 hri kai hmuh tawh chu 2,36,967 niin an zinga 2,35,797 te chu enkawl dam an ni tawh a, hri kai hmuh zinga za zela 99.51 te enkawl dam ni tawhin enkawllai mi 450 an la awm a, hri kai zingah mi 720 boral tawhin District tinah hri kai enkawllai an la awm a ni.