COVID-19 hri kai enkawllai 1116 la awm mek

/

Mizoram-ah COVID-19 hri kai hmuhchhuah an la pung zel a, niminpiah khan hri kai mi 255 zet hmuhchhuah leh niin hri kai enkawllai pawh 1116 zet an awm leh tawh.

Niminpiah khan Mizoram-ah Sample 907 enfiah leh niin heng atang hian COVID-19 hri kai mi 255 hmuh niin Sample enfiah atanga chhutin za zela 28.11 te chuan hri an kai a, heng hri kai hmuhchhuah te hi Rapid Antigen Test hmanga Sample enfiah 903 atanga hmuh vek niin District tinah hri kai hmuhchhuah an awm vek a, Lunglei District chu hri kai hmuhchhuah tamna ber niin 74 hmuh an ni a, Aizawl District-ah 69, Lawngtlai District-ah 21, Siaha leh Kolasib District-ah 19 ve ve, Serchhip leh Saitual District-ah 11 ve ve, Champhai District-ah mi 10, Khawzawl District-ah mi 8, Hnahthial District-ah mi 7 leh Mamit District-ah mi 6 te an ni a. ZMC-a RT-PCR Laboratory-ah Sample 4 enfiah niin hri kai hmuhchhuah an awm lo thung.

Nimin khan Mizoram-ah COVID-19 hri kai enkawl dam mi 175 awm lehin District tin atangin hri kai enkawl dam hi an awm a, heti hian nimin tlai thleng khan Mizoram-a COVID-19 hri kai hmuh tawh chu 2,33,542 niin an zinga 2,31,715 te chu enkawl dam an ni tawh a, hri kai hmuhchhuah atanga chhutin za zela 99.22 enkawl dam ni tawhin hri kai enkawllai mi 1116 an la awm a ni. Nimin khan Durtlang Aizawl mi chu COVID-19 vangin ZMC-ah a boral leh a, heti hian Mizoram-a hri kai zingah mi 711 an boral ta bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »