COVID-19 enkawllai 72 awm

Serchhip District-ah COVID-19 hri kai pung leh hlekin nimin tlai thleng khan hri kai enkawllai mi 72 an awm mek.

Nimin khan Serchhip District chhunga khaw 7 atangin COVID-19 hri kai mi 14 hmuh belh leh an ni a, an zinga 5 te hi Khawbel khua niin Serchhip Hmar Veng-ah mi 3, Lungpho-ah 2 leh Sialhau, Piler, North Vanlaiphai leh Thenzawl-ah hri kai mi pakhat theuh hmuh an ni. Nimin khan Serchhip District atang hian COVID-19 hri kai enkawl dam mi 12 an awm leh bawk a, an zinga mi 6 te chu Thenzawl khua niin Serchhip Town chhungah mi 3, Ngen-tiang-ah mi pahnih leh North Vanlaiphai-ah mi pakhat te an ni.

Heti hian nimin tlai thleng khan Serchhip District-a COVID-19 hri kai hmuh tawh chu 14,430 niin an zinga 14,323 te chu enkawl dam an ni tawh a, hri kai enkawllai mi 72 la awmin hri kai atanga chhutin za zela 99.25 enkawl dam an ni tawh a ni. Tun dinhmunah Serchhip District-a khaw 10-a hri kai enkawllai an la awm a, an zinga 17 chu East Lungdar khua niin Then-zawl-ah mi 14 enkawl an nih bakah Serchhip Town chhung Veng hrang hrangah mi 13 leh Khawbel-ah mi 13 enkawl an ni a, North Van-laiphai-ah mi 5, Lungpho-ah mi 4, Piler-ah mi 2 leh Khumtung, Ngentiang leh Sialhau-ah mi pakhat theuh enkawl an ni a, District dang S. Khawlek khua pakhat enkawl ala ni bawk.

Serchhip Town chhung bikah Hmar Veng ah hri kai enkawllai mi 3 awmin New Serchhip, Bukpui, P&E Veng, Tuikhuah Veng leh Chhiah-tlang-ah mi pahnih theuh enkawllai an la awm bawk a ni.