COVID-19 enkawllai 1040 awm; Thi awm belh leh

/

Niminpiah khan Mizoram-ah COVID-19 hri kai hmuhchhuah an pun leh hlek avangin hri kai enkawllai pawh an pung leh hret a, nimin tlai thleng khan mi 1040 enkawl mek an ni.

Niminpiah khan Mizoram-ah Sample 963 enfiah niin heng atang hian COVID-19 hri kai mi 243 hmuh an ni a, Sample enfiah atanga chhutin za zela 25.23 te chuan hri an kai a, hri kai hmuhchhuah zinga 240 te hi Rapid Antigen Test hmanga hri kai hmuh te niin ZMC leh Lunglei-a RT-PCR Laboratory-ah hri kai mi pakhat ve ve hmuh niin TrueNat Laboratory atangin hri kai mi pakhat hmuh a ni bawk. Niminpiah-a COVID-19 hri kai hmuh zingah 75 te hi Aizawl District-a hri kai hmuh te niin Lunglei District-ah 51, Champhai District-ah 28, Khawzawl District-ah 22, Saitual, Lawngtlai leh Mamit District-ah mi 15 theuh, Serchhip District-ah mi 12, Kolasib District-ah mi 7 leh Hnahthial District-ah mi pathum te an ni.

Nimin khan Mizoram-a hri kai mi 172 te chu anmahni enkawlna hmun atanga chhuahtir an ni ve leh a, heti hian nimin tlai thlenga Mizoram a COVID-19 hri kai hmuh tawh chu 2,34,387 niin an zinga 2,32,633 te chu enkawl dam an ni tawh a, hri kai hmuh atanga za zela 99.33 te chu enkawl dam ni tawhin hri kai enkawllai 1040 an la awm a ni. Nizan hmasa khan Saitual leh Lawngtlai District-ah COVID-19 vanga boral mi pakhat ve ve awmin nimin khan Aizawl leh Lunglei-ah mi pakhat ve ve an boral leh a, heti hian nimin tlai thleng khan Mizoram-a hri kai zingah mi 715 an boral tawh bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »