Commonwealth Games, 2022 Birmingham a neih zawh taka India tan ritchawi (weight-lifting) kg. 67-a Gold Medal la tu Jeremy Lalrinnunga chu nimin khan Chief Minister Zoramthanga chuan CM Office Conference Hall-ah a kawm a, he hunah hian Chief Minister chuan Mizoram, State te tak atanga infiamna khawvela mi hrang hrang chawimawina dawng tham, India ram leh khaw-vel pum huapa mi langsar tak tak kan nei thin chu lawmawm a tih thu sawiin, chung zinga Commonwealth Games-ah Mizo mi ngei Jeremy Lalrinnunga'n Gold Medal a la thei chu ropui a tih thu leh a lawmpui thu a sawi a. Olympics Games thlenga hlawhtlinna a la chan ngei a duhsak thu a sawi bawk. Chief Minister chuan hun rem-chang zawkah CWG22-a Mizoram infiammi pahnih - Jeremy Lalrinnunga leh Hockey player Lalremsiami te chawimawina hun sawrkarin buatsaih a tum thu a sawi bawk.
Comments
Post a Comment