COVID-19 darh zau leh hlek

Nimin khan Serchhip District-ah COVID-19 hri kai mi 12 hmuhchhuah niin hri kai enkawl dam pawh mi 12 bawk an awm.

Serchhip District chhung khaw hrang hrangah COVID-19 a darh leh mek niin a lang a, nimin-a hri kai mi 12 hmuhchhuah te hi khaw 5 atanga hmuh te niin an zinga mi 7 chu Thenzawl khua an ni a, Bawktlang khua ah hri kai mi pahnih hmuh ni bawkin Lungpho, Lungchhuan leh Serchhip P&E Veng-ah hri kai mi pakhat theuh hmuh an ni bawk.

Nimin khan Serchhip District-a CO-VID-19 hri kai mi 12 te chu anmahni enkawlna hmun atanga chhuahtir an ni ve leh a, heng zinga 6 te hi Serchhip niin P&E Veng mi 4 bakah Ser-chhip Bazar Veng leh New Serchhip Venglai a mi pakhat ve ve an ni a, heng bakah hian Then-zawl-ah mi 3 leh East Lungdar, Lungpho leh Khawlailung-ah hri kai mi pakhat theuh enkawl dam an awm a ni.

Heti hian nimin tlai thleng khan Serchhip District-a COVID-19 hri kai hmuhchhuah tawh chu 14,322 niin an zinga 14,211 te chu enkawl dam an ni tawh a, hri kai hmuhchhuah atanga chhutin za zela 99.31 te enkawl dam ni tawhin hri kai enkawllai mi 75 an la awm a, hri kai zingah mi 35 an boral tawh bawk a ni.

Serchhip Town chhung bakah Serchhip District chhunga khaw 7-ah COVID-19 hri kai enkawllai an la awm mek a, Thenzawl chu hri kai enkawllai tam berna khua la ni mekin mi 42 enkawllai an la awm a, Serchhip Town chhunga hri kai enkawllai mi 9 awmin East Lungdar-ah mi 9 bawk enkawllai an la awm a,North Van-laiphai-ah mi 6, Lungpho leh Ngentiang-ah mi 3 ve ve, Bawktlang-ah mi 2 leh Lungchhuan-ah mi pakhat enkawllai an la awm a ni.

Comments

Popular posts from this blog