Chawlh ni 26 awm dawn

Kumthar 2023-ah Public Holiday (sawrkar chawlh) ni 26 a awm dawn a, chung zinga ni 7 chu Mizoram pual bik ni pawimawh niin, a dang ni 19 chu India ram pum huap a ni pawimawh hrang hrangte a ni.

Mizoram sawrkar General Administration Department (GAD) chuan August ni 3, 2022 khan 'Notification' chhuahin, kum 2023 Holiday Lst hrang hrangte a tarlang a, Public Holiday ni 26 bakah, Rstricted Holiday ni 33 a awm dawn a ni. Kum 2023 Holiday list GAD in a tihchhuah ah hian Mizoram ni pawimawh Public Holiday a puan bikah, kumin nen danglamna a awm lo a, a ngai ang bawkin, Missionary Day, State Day, Chapchar Kut, YMA Day, Remna Ni leh MHIP Day te chu State Holiday a ni chhunzawm leh ang.

Nakum a sawrkar chawlh ni 26 awm tura duanah hian, Inrinni a tla, Idu'l Fitr (April ni 22, 2023) leh Muharram (July ni 29, 2023) te an awm a, Pathianni a tla, New Year's Day (January ni 1, 2023), Diwali (November ni 12, 2023) Christmas Eve (December ni 24, 2023) leh New Year's Eve (December ni 31, 2023) te an awm bawk a ni.

Comments

Popular posts from this blog