4th IR Bn. Hqrs. hmun chungchang sawifiah phut

Hachhek bialtu MLA Lalrindika Ralte chuan 4th IR Battalion Headquarters chungchangah sawrkar chu thudik puangchhuak turin a ngen.

Inrinni-a Press Statement a tihchhuah ah Lalrindika Ralte chuan August 12, 2022-a Mizoram sawrkar Press Release No. 1576/2022-2023 ah Luangpawl, Mamit chu 4th IR Battalion Headquarters anga tarlangin, Battalion Raising Day lawmna neih a nih thu a lo lang a. He thu hian a thawng hle niin a sawi a. Lalrindika chuan Mizoram sawrkarin 4th IR Battalion Headquarters atan a bial chhung Rengdil chu Official-in a puang tawh nia sawiin, a hmunhma tur pawh mi tlawmngai ten a thlawnin an ram an lo pe tawh a. Building-te pawh sain, hmalakna engemaw chen Mizoram sawrkarin a kalpui tawh a. Tunah hian sipai pawh engemawzat an awm mek tih a sawi a. August 3, 2013 khan 4th IR Battalion Headquarters lungphum pawh Rengdil-ah ngei khatih laia Home Minister R. Lalzirliana’n a lo phum tawh niin a sawi bawk a ni.