Pathianni-ah COVID-19 hri kai 48 hmuh belh

Pathianni khan Mizoram-ah Sample 217 enfiah niin heng atang hian COVID-19 hri kai mi 48 lai hmuh an ni a, Sample enfiah atanga chhutin za zela 22.12 te chuan hri an kai a ni.

Pathianni khan Mizoram-ah Rapid Antigen Test hmang chiahin Sample enfiah awmin hri kai hmuh te pawh hi Rapid Antigen Test hmanga hri kai hmuhchhuah vek an ni a, an zinga 44 te hi Aizawl District-a hri kai hmuhchhuah te niin Lunglei District-ah 3 leh Kolasib District-ah hri kai mi pakhat hmuhchhuah an ni.

Nimin khan District 5 atangin COVID-19 hri kai enkawl dam mi 48 an awm belh leh a, heti hian nimin tlai dar 5:00 thleng khan Mizoram a COVID-19 hri kai hmuhchhuah tawh chu 2,29,210 niin an zinga mi 2,28,274 te chu enkawl dam an ni tawh a, hri kai hmuhchhuah atanga chhutin za zela 99.60 te chu enkawl dam an ni tawh a, hri kai enkawllai 230 an la awm a ni. Nimin khan COVID-19 hri kai zingah mi pakhat boral lehin Aizawl Chanmari Veng a ni a, tun thla ah COVID-19 hri kai mi 4 an boralna leh Mizoram-ah mi 706 an boralna a ni bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man