MZU Southern Campus buaipui

Mizoram University (MZU) Southern Campus, Lunglei bul tan thuai anih theih nan Mizoram Chief Minister Zoramthanga leh sawrkar mi pawimawh dang ten Inrinni zing khan Lunglei Pukpui tlawhin hmalak tul leh hmachhawp hrang hrang te an enfiah a. MZU Southern Campus atana hman lailawk tum Pukpui Engineering College chu he hunah hian a hmunah tlawh tum niin amaherawhchu a panna kawng a that loh avangin a hmun thlen theih a ni lova. Pukpui Engineering College building hi MZU Southern Campus atan hman thuai anih theihna turin a panna kawng siamthat a ngaih bakah Tui Supply leh Power Supply te ruahman a ngai a. Heng mamawhte ruahman tura Engineer ten Plan an lo siamfel tawh angin a hna thawhna tura a tul ang pawisa sanction nghal turin ruahmanna siam a ni a, hna pawh thawk tan nghal turin PWD, PHE leh P&E Department hotute chu instruction pek nghal an ni.