Kangthelhtu ten Vantlang hmun thenfai hnatlang an nei

Fire & Emergency Services kum 50 tlin lawmna atan nimin khan Serchhip-a Fire & Emergency Services-a thawktute chuan Serchhip khawpui chhunga Vantlang hmun thenfai hnatlang an nei.
Mizoram sawrkar-a Fire & Emergency Services Department hian an kum 50 tlin lawmna atan hian Mizoram-a an awmna hmun hrang hrang ah Vantlang tana thil tha tihna hun an hmang chho mek a, hemi ang hian Serchhip-a thawktute pawh hian nimin khan College Peng atanga tanin Serchhip khawpui chhung hmun thenkhat thenfai hnatlang hi an thawk a, he hunah hian Serchhip a an Department-a thawk mi 7 te telin kawngsir a hnim te an tihfai bakah Vantlang Zun In te tui hmangin an tifai bawk a ni.

Fire & Emergency Services Department hi kum 1972 khan din a ni a, kumin a an kum 50 tlin lawmna pual hian thisen pekna hun neih tumin ruahmanna an siam mek bawk a ni.