Inbuatsaihna thlirho

India President thlanna neih tur atana inbuat-saihna kal zelah nimin khan Mizoram Legislative Assembly Committee Room-ah Mizoram Joint Chief Electoral Officer & Acting CEO David L. Pachuau kaihhruaina in thutkhawm neih a ni a, India President thlanna hi July 18, 2022 (Thawhtanni) khian Mizoram Legislative Assembly hmunah neih a ni dawn a, Officials duty zawng zawngte leh Vote thlak tur MLA/MP te chu Covid Screening neih vek a ni ang. President thlannaa hman tur Ballot Box hi New Delhi atangin Thlawhna a rawn phur chhovin, Assembly House-a Strong Room-ah venhimna khauh tak hnuaiah dah nghal tur a ni a, inthlan ni (polling day) tukah Ballot Box hi New Delhi lamah thawn nghal tur a ni ang. Nimin-a thutkhawm ah hian Mizoram Legislative Assembly Commissioner & Secretary leh ARO H. Lalrinawma chuan he inthlanna a hriattur pawimawh thil chi hrang hrangte a sawifiah a ni.