Flyover siamna tur en ho

Aizawl khawpui chhung Bawngkawn leh Vaivakawn-a Flyover siam tura ruahmanna kal mekah nimin zing khan Rural Development Minister Lalruatkima hovin sawrkar official hrang hrang ten Vaivakawn Junction Flyover siam dan tur ruahmanna an enho a, he hunah hian PWD ten Feasibility report an siam tawh atanga hmunhma lak tur leh tihchhiat tur ram enfiahna neih a ni a, RD Minister chuan hmasawnna ruhrel tha zawk nei turin ram thangzel mila kan hmasawnna ruhrel te pawh kan kalpui a tul chho dawn a ni, a ti.

Vaivakawn Junction Flyover tura ruahman chhin danah hian Zohnuai atanga Temple pan chhohna chu Bazar kawn atanga kal chho turin ruahmanna siam a ni a. Junction Flyover siam tu ah hian mimal ram leh In te lak a ngai nual dawn niin a lang a, he ruahmanna hi Mizoram sawrkar in inremna a ziahpui Telecommunications Consultants India Ltd (TCIL) ten an bawhzui anga, an ni hian Central-ah sum mamawh tur dilin a hna an thawk nghal dawn a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man