Hri kai enkawllai 48 la awm

Nimin khan Serchhip District-a COVID-19 hri kai 16 te enkawl dam leh an ni chungin hri kai enkawllai erawh mi 48 lai an la awm thung.

Serchhip District-ah nimin khan COVID-19 hri kai mi 3 hmuhchhuah belh leh an ni a, heng hri kai hmuhchhuah te hi New Serchhip North bakah Thentlang leh Khawlailung-ah mi pakhat theuh te an ni a, nimin khan Serchhip District-ah hri kai enkawl dam mi 16 awm bawkin an zinga tam ber te hi Thentlang khua te an ni.

Serchhip District-a hri kai chhinchhiah tawh zingah ziah nawn palh an awm avangin mi pakhat paih leh niin heti hian nimin thlenga Ser-chhip District-a COVID-19 hri kai hmuh tawh chu 14,121 an ni a, an zinga 14,038 te chu enkawl dam ni tawhin hri kai hmuhchhuah atanga za zela 99.41 te chu enkawl dam an ni tawh a, hri kai enkawllai mi 48 la awmin hri kai zingah mi 35 an boral tawh bawk a ni.

Comments

Popular News (Last 30 Days)

LPG man bithliah thar