Legal Metrology Helpline siam

Mizoram sawrkar chuan rate dik lo-a bung-raw zuar leh bungraw hman tlakloh zuarte chungchang thlenna tur helpline a siam.

Hemi chungchanga Legal Metrology Department-a Controller Andrew H. Vanlaldika’n thuchhuah siama a tarlan danin Mizoram chhunga sumdawng/dawrkai zawng zawngte chu an bungraw zawrh, a fun chi (Packaged Commodities)-a a man inziak (Maximum Retail Price) aia sanga zuar leh hralh lo turin a hriattir a, MRP inziak hi thaichhiat emaw, tih danglam phal a ni lo bawk tih tarlangin, MRP aia sanga bungraw zawrh leh hralh hi Legal Metrology Act, 2009 leh Legal Metrology (Packaged Commodities) Rules, 2011 hnuaia Rule 18(2) in a khap angin dan anga hrem an ni ang tih a tarlang.

Hei bakah hian Insak bungraw zuartute pawh bungraw tlo leh hmantlak chiah zuar tura hriattirin bungrua chhia leh hman tlakloh zuar te man chhuah a, hrem an nih theihna turin Official te biakpawh theihna a siam a, Serchhip leh Hnahthial District tan Inspector of Legal Metrology Johny Zonunmawia, Ph. No. 9862122408-ah biak theih a ni ang.

Comments

Popular News (Last 30 Days)

Vawiin-ah HSSLC Exam result