FG&CC Counsellor Quarters sak thar hawn a ni

Serchhip AOC Veng-a Mizoram Synod Family Guidance & Counselling Centre (FG&CC) Counsellor Quarters sak thar chu Inrinni khan Synod Moderator Rev. Dr. Vanlalnghaka Ralte chuan a hawng.


Mizoram Synod Family Guidance & Counselling Centre (FG&CC) Counsellor Quarters sak thar hi Synod Moderator hian Ribbon chepchat-a hawngin a hawnna puala inkhawm chu FG&CC Serchhip Centre-a Chairman Pastor H. Biakthansanga kaihhruaiin neih chhun-zawm nghal a ni a, Synod Moderator Rev. Vanlalnghaka Ralte chuan Quarters thar Pathian hnena hlanna neiin Rev. J. Lalremsiama, Counsellor FG&CC Main Centre bakah Chhimchhak Presbytery Moderator Upa KL. Pakunga te pawhin thu an sawi a, FG&CC Serchhip Centre-a Counsellor leh Secretary Rev. Rolungmuana Zadeng chuan report a pe bawk.

Kum 1995 a Synod Inkhawmpui chuan Family Guidance & Counselling Centre (FG&CC) din hi relin Jan. ni 21, 1997 khan Synod Conference Centre-ah a hawnna neih a ni a, hemi hnu hian hmun hrang hrangah hawn belh zel niin Ser-chhip Centre hi January 8, 2015 khan hawn a ni a, a tirah chuan Serchhip Kawnpui Branch KTP Building-ah awmin kum 2018 October thla atangin Synod ram-a building sak, Serchhip AOC Veng-ah hian hawn a ni ta thung a, tun thleng hian mi 1632 in an pan tawh a ni.

FG&CC Counsellor quarters hi Counselling Centre chungah sak niin kum 2020 Synod chuan Quarters sakna tur sum hi Budget ah dahin October ni 10, 2021 atang khan hnathawh tan a ni a, hemi atan hian Synod atangin cheng nuai 36 hmuh niin Rs. 34,95,571/- senral a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar