EF&CC Minister in tlawh

Environment, Forest & Climate Change (EF&CC) changtu Minister TJ. Lalnuntluanga chuan Tlawng hnar, Zobawk Lunglei dinhmun leh a humhalh zel kawnga hmalak tul te nimin khan a hmunah kalin a enfiah a, helai hmunah hian PHE Department hmalakna in Tuihna humhalhna kawnga hmalakna - Water Recharging Cam siam tum niin he project hi EF&CC Department hnuaia lui tui humhalhna Dan dinglai te zawm chunga hmalak ho theih dan tur ngaihtuah tura helai hmun hi tlawh an nih thu a sawi a. Lui tui humhalh kawngah Mizoram chuan hun rei tak kalta atangin Dan mumal tak neiin Mizo District Council (Forest) Act, 1955 chu 16/04/1956 ah hriattirna tihchhuah niin hemi hnuaiah hian Mizoram chhunga lui 16 humhalh a ni tih a sawi a, hei bakah hian Forest Conservation Act, 1980 hnuaiah heng lui te hi humhalh a nih bawk thu a sawi a ni.