Hnahthial DC Office Single Use Plastic Free-ah puang

Hnahthial District Bawrhsap Pisa chu nimin khan hman khat daih Plastic awm lohnaah (Single Use Plastic Free) Pisa atan District Bawrhsap R.Lalremsanga chuan a puang a, he Pisa-a thawktute pawh hman khat daih Plastic reng reng hmang lo turin an intiam nghal a ni. He hunah hian DC R. Lalremsanga chuan hman khat daih plastic chu leilung tana chhiatna nasa tak thlen theitu a nih avangin hetiang lam chi No, Fian, Thleng, Polythene bag leh a dangte chu Pisa-ah lalut lo tur leh pawnlam atanga lalut an hmuh pawhin hmang lo tura zirtirtu ni turin a fuih a ni.